نار كبيره

قم يا فهيد وشب نار كبيره=واصرم عليها من الحطب لين تعتز
نار لها مع طلعة الشمس نيره=ليشافها العمسان عقب العمس فز
وهات الدلال وحطهن بالحظيره=واجذب لها جمر الغضا واترك القز
حتى الى جونا الوجيه السفيره=على تنابيل يكزونها كز
يلقون فنجال شرابه بريره=يطرب لها العمسان ليمزها مز
ومن عقبها كبش شحومه كثيره=الى جت مواجيبه يقلط على رز
في روضة عقب المطر مستديره=من سيلها تلقى بجيلانها حز
ليهب ذعذاع النسيم بغديره=تلقى بها الغرنوق والبط والوز
وش خانة الدنيا الختول الغريره=ليما ادرك الرجال بأطرافها عز
نفرح بها نبي الشرف والستيره=وعن حاجة تحوج لمن لا يميز
تمسي بها أمن وتصبح مغيره=ولا بد من صدفاتها لو تحرز
خاب وخسر من حطها له ذخيره=والموت راياته على الناس تهتز
لا بد من قبر هيام حفيره=فوقه طويلات النصايب تركز

رووووووووووعه

جماااااااااااااااااال

ابدااااااااااااااااااااع

مشكووووووره عهود على الاختيااااااااار

والقصيده للشاعر / محمد بن ناصر بن صقر السياري

سلام

اختي عهود

ما شاء الله تبارك الله

قمه في الابداع

تسلمين يالطيبه وربي يحفظك

تحيااااااتي

سمسار 15

يعطيك العافيه

على كل ما تقدمينه لنا من تلك الأشعار

التي نحتاج رنين كلماتها وعبق حروفها ..

أكرر لك الشكر ملاااايين ..
لاعدمناكي ..

مرحبا بك الأستاذ هادي

وشكرا لمرورك الكريم

تحيتي لك واحترامي

مرحبا بك عزيزي سمسار

والله يحفظك وسلمت

وشكرا لمرورك الكريم

تحيتي واحترامي لك

مرحبا بك عزيزي ولد عنبر

وشكرا لمرورك 0 لاعدمناك

تقبل تحيتي وشكري

هلا بك يا شاااعرتنا

لقد كسبت القلووووووب

تسلمين

ام توتو

كل القصايد في شعركم ما تساويه

صح لسانك

الذيب

مرحبا بك غاليتي الاخت الكريمه والمشرفه القديره

اختي ام توتو

هذا غايتي كسب ودكم ورضائكم

تقبلي تحيتي واحترامي وشكري وتقديري لمجهودك

ودمتي برعاية الله ،،