(( ونة قهر ))قصيدة في برجس وبنت الباندا....

أنا اللي شفت لي فعلة شنيعـه=بطلها عبد يا مـال القطيعـه
مصورها ومخرجهـا ضعيِِـف=نشرها عبر موجـات سريعـه
جمع عبد وبنت وسـط غرفـه=وقال افعل بهـا مـا تستطيعـه
غصب ماهو برضاها شايمه لك=وأنا اصورك لقطـات فضيعـه
عليك ابها ولا تلحقـك رحمـة=أبيهـا قـدم رجلينـي ركيعـه
وهي قدام عينـه تنتخـي بـه=تصيح تقول (برجس) لا تذيعـه
وسو اللي تبي فينـي تسـوي=وأخذ عرضي وأنا تحتك مطيعه
وهو قدامهـا صـار يتباهـى=بيكسر شوكة البنت الصريعـه
قهرني يوم شفتـه محتضنهـا=بأمر منهو تحت أمـره يطيعـه
الأ يا فكرتي كيـف يتجـرى؟=وينشر صورة البنـت الخليعـه
وخلى من سمع قـام وتفـرج=عليها عاريـه ترجـف فزيعـه
عسى الله يبتليـه بمـا يسـوي=بكارثـة تجـي فجـأة فجيعـه
ويسمع كـل مخلـوق صداهـا=تخلي قلـوب أمثالـه زعيعـه
عقوبة من تبع شهـوات نفسـه=وخلى الدين وعلـوم الشريعـه
علامه يوم جاتـه مـا سترهـا=وتذلف عنـه وتـروح بقليعـه
وهي وش جابها في وسط بيته=وسارت وبرضا درب الخديعه
وخلت بيت أبوها اللي رباهـا=وتتبع كـل شيطـان وتطيعـه
وجتها بلـوة مـن عنـد ربـك=جزا من عرضها صارت تبيعه
أنا مـا الومهـا بالفعـل لكـن=ألوم اللي رباها وهي رضيعـه
أبوهـا وامهـا ليـه تركوهـا=بدرب مظلـم باتـت صريعـه
وهو في بيته المستـور معهـا=ولا يدري وش اللي في الطليعه
غفل عنهـا ولكـن بعـد مـاذا=بعد مابات مصفـوع صفيعـه
شرب من سم فعلتهـا بكـأس=بوسط النـاس سامعـة قريعـه
وهـذا درس للـي مـا تعلـم=ترى منهو زرع يحصد زريعه
علام الناس زادت في المعاصي=تفك أعراضها صارت طبيعـه؟
أشوف البنت مفكـوك رسنهـا=تسير في الشـوارع مستليعـه
وتلبس لبسها الفاضح وتمشـي=تباهى قـدم خلـق الله خليعـه
ألا يالله يـا لمعبـود تلـطـف=وترحمنـا برحمتـك الوسيعـه
وثبتنـا علـى توحيـد دينـك=وموتنا علـى حكـم الشريعـه
ومنـي رسالـة لكـل شاعـر=يجاريهـا بكلـمـات بديـعـه
نغسل اللي فعل (برجس) بقاف=يـداوي علـة باتـت وجيعـه
أقوله يوم أنا مـن روس قـوم=تقول الحق وتحفـظ الوديعـه
وتمـت عـد مالبـو وطافـو=على اللي للبشر صار الشفيعه

م
ن
ق
و
ل

عسى الله يبتليه بمـا يسـوي

بكارثة تجـي فجـأة فجيعـه

قصيدة أكثر من رائعة

تصور الموقف

أتقن شاعرها صورتها

وأتقنت نقلها

أنت لك كل الحب

مشكوووور المدرس


على حلوووو الكلام

تقبل كل الحب

أضم صوتي لصوتك ولد عنبر

يااااااارب أنتقم منه

ومشكوووور أخوي على تواصلك

تقبل تحياتي

قصيده تحمل الكثير من المعانات

ولكن ما اقول الا حسبي الله ونعم الوكيل في فعلته الشنيعه

اخوك مثير

اللي صار أخوي الغالي أكبر معاناة

بتصير بصمة عاااار لجيل بأكمله

مشكووور لمرورك

وتقبل تحياتي