البارحه

البارحة ما هملج الطرف بنعـــــــاس=ما فاض من نجم عيوني تخيلــــــــه
لا باس يا عيني على السهرلا باس=على وليف ٍ فات ما القى مثيلــــــه
عنا قطع شوف المواصل له ارماس=ولا في يدي من ناب الارداف حيلـــه
فيما مضى ياخذ جوابي من الراس=واليوم لا عاني وأنا ما اعني لــــــــه
العشرة اللي ما توثق على ساس=تطيح لو صارت حصون ٍ طويلـــــــــــة
يا ونتي منها المعاليق يبــــــــاس=صبري قضى ما باقي الا قليلـــــــه
صبرت صبر ٍ صابني منه وسواس=صبر له النفس العزيزة ذليلـــــــــــة
على وليف ٍ حال من دونه الياس=والياس طب ٍ للقلوب العليلــــــــــة
من يتبع المقفي مرده للافلاس=مثل الذي بالقيظ يدفق صميلــــــــه
هذي دروب الحب جِدَّد ودراّس=الله يمضيها بستر وجميلـــــــــــــــه
موفق ٍ للخير ياظبي الأطعاس=لا تحسب الدنيا بأهلها طويلـــــــــه
و صلاة ربي عد ما هب نسناس=على نبي ٍ وضح الله دليلــــــــــــــه

الشاعر
عبدالله اللويحان
رحمة الله عليه

شكرا نقا هشال

على القصيده الرائعه الذي نقلتها لنا

والله يرحم قائلها

مع تحيات
عازف الأحزان

هلا بك ومشاركة متميزة

من عضو رائع

واخراج أروع

أخوي نقا هشال

الله يعطيك العافية

اختيار أروع من رائع

تسلم أخوي وتقبل تحياتي

العشرة اللي ما توثق علـى سـاس
تطيـح لــو صــارت حـصـون ٍ طويـلـة

قصيده راااااائعة

تسلم عليها

هلابكم اخواني
مروركم اسعدني

شكرالكم

وتقبلو تحيتي..