،،خطاك منك تصدقني ليا من قلت لك بنساك ،،

خطا منك تصدقني ليا من قلت لك بنساك ** انا وشلون ابنسى اللي طوال الوقت اهذري به؟

انا منساك لاواللي خلقك وكملك وانشاك ** غريبه تسأل المشتاق وانت القلب تدري به

علامك ليه تجهل شعري اللي ليا زعلت ارضاك ** علامك تجهله من عقب منت اللي تماري به

تعال و ان ماعجبك اللي كتبته اتركه و يفداك ** تعال اجلس بعلمك بقصيد توني بادي به

لك الله لوسكبت الشعر في كاس الغرام أرواك ** يبكي عيونك الخدرات ولسانك يغني به

هلا بك ياهوى نفسي هلا حتى الهوى يهواك ** هلا يالفتنه اللي غار كل الطيب من طيبه

اغار من الكلام اللي ليا قلته يحـــوش شفاك ** واغار من الهدب لاحب خدك يوم تغضيبه

واغار من الجديل اللي ليا منه انطلق غطاك ** احسده واعشقه محتار. مدري ويش اسوي به

عطاك الله اوصاف الحواري كلها واغناك ** اظنه لويجي لك زين يوسف قلت مالي به

ابوك الله يبيحه جاد باسمك يوم هو سماك ** الآ ياعين حر تدمي الصيده مخالي به

حبيبي خافقي ماراح لامنا ولامناك ** ندهله سحر عينك وقلت طاعه يامطالي به

الا وقلبي اللي كل ماتسري سرى مسراك ** ماغير الحزن في صدري ونبضه وأنت غادي به

حبيبي كل مامنك ضحكت ولوحت يمناك ** اقول الله و اكبر عاض قلبي ويش اجازي به

خطاك أنك تصدقني ليا من قلت لك بنساك ** انا لامن نسيت الحمد قلي ويش اصلي به؟




اعجبتنى هذه القصيده هى للشاعر / سعود الفهد وحبيت اني انقلها لكم

//
\\
*


خطاك أنك تصدقني ليا من قلت لك بنساك
انا لامن نسيت الحمد قلي ويش اصلي به؟

قصيدهـ جميلهـ
تسلم يمينكـ
لاهنت

..,

شمـــوخ أنثــــى

*
//

يعطيكِ العافيه على حسن مروركــ
ولا هنتـــي

*
//

دمتــــي بخيـــــــر

قصيدة جزله ومعاني جميله

صح السانك والسان الشاعر

تقبلوا مروري

عبدالله بن عبدالعزيز


الله يعطيكـ العافيه على حسن مروركــ الجميل
والله لا يهينكــ


دمتـــَ بخيـــر

//



الــــــــذيب

دمت على الانتقاء المميز

في الواقع قصيدة قوية وجميله

فــ صح السان شاعرها سعود الفهد

وسلمت اناملك على مانقلته لنا

احترامي لك

//

انا منساك لاواللي خلقك وكملك وانشاك ** غريبه تسأل المشتاق وانت القلب تدري به



يكفي هالبيت


قصيدة في منتهى الروعه


دمت ودام عطائك يالذيب

ابوك الله يبيحه جاد باسمك يوم هو سماك

******** الآ ياعين حر تدمي الصيده مخاليبه

صح لسان الشاعر سعود الفهد

كفى ووفى

قصيده رائعه جدا ً تشرفنا بها هنا ..

لاهنت يا ذيب النشاما وتعودنا منك الطيب والسمين ..

سحــــايب صيــــف

قمـر حســــــاس

السنـــــــــافي


يعطيكم العافيه على المرور الجميل
والله لا يهينكم ياالطيبين


دمـــتم بخيـــــــر

صح السانك اخوي ذيب النشاما والسان الشاعر / سعود الفــهـــد