وكانك تعايرني بقوله( فقيره)

25 / 01 / 2008, 06 : 08 PM

جــــاني يعايرني بقوله يافــقــيـره

قلت الفقر ماهو في قله المال

.

الفقر هو نقص العقل والــستـيـــــــره

واماابغيره يستر الله لك الحال

.

قال وعلى فقرك كنك امـــــــيــــــره

تحكي بعز وتمشي بفخر وتختال
.

قلت ايه وازيدك من البــيــت غـيره

الله عطاني من عطيااه مكيال
.

وش هو له امشي في حيااتي كسيره

ماداامني من خير ربي انا اكتال
.

مادام مايسجد جــبــيـني لـــغــــيره

اللي خلق ارض سمواات وجباال

.

اللي حبااني نور عين وبــــصيره

اميز يمين الخطاوي من الشماال

.

ماني قليله فهم مثلك غـــريــــره

امشي عدل واميل للوقت لامال

.

ماغرني صووف الزمان وحريره

ومهما يضيق الوقت فيه ابا احتال

.

وكانك تعايرني بقوله( فقيره)

بقوله شيـــــاً صعب شوي ينقال

.

صحيح املاكك عددها كثــــيره

صحيح تلبس غتره وثوب وعقاال

.

بقولك كلمه ولاهي كبيره

عز الله اخطا من مسميك رجاال