سرياقلم واكتب من الشعر مازان *** جزل القصيد وخل عنك هزيلة للشاعر عثمان محمد البرغش..

قصيدة مهداة للأخ / حسن بن عبدالهادي السهلي حفظة الله
سرياقلم واكتب من الشعر مازان
**** جزل القصيد وخل عنك هزيله
لابن الكرام اللي لهم قدر وميزان
**** إيضا وله بالقلب حب نشيــلـــه
حسن أبو زايد وهو طير حوران
**** رجل كفو والفعل يشهد كفــــيلــه
سلام يا حر له الجـود بـــرهـــان
**** سلام ياراع الكرم والجـــمـــيــلـــه
سلام ممزوج من الورد ريحـــان
**** للي على طاريه يســـــــوى قبــيلـــه
حسن حسن دايم افعوله لها شان
**** جزل العطاء والنفس ماهي بخــــيله
أنا لفيت الــذود حزة امســــيــــان
**** مشتاق أنا للذود وفي القلب ميـــــلـه
ولقيت منهو للمــواجيب شفقـــان
**** حــــر يهـــلي بــكل منهــــــو يجيــــله
فهد وأنا اشهد دوم منتاب خسران
**** وأنت عـلى درب المــراجل دلــــيــــلــه
وللحق بذكر كلمتن دون نسيـــــان
**** راعي الإبل طيبة ترى من كفــــيـــلـــه
لاطاب راعي الذود يصير له شان
**** هـــلا باســم عـمـه لمـنهـو يـــجـــيـــلـــه
واختــامــها يــالله يـارافــع الشان
**** يــا وامـــر خــلقه لبــيـــتــه تــــجــيــلـــه
أدعوك تحفظ راعي الطيب دسمان
**** وتــيــسر امــوره بـالحيـــاة الجـــمــيــلـــه
وصلو على من بين الحق تبيــــان
**** نبينــا الهــادي لـــرب الــــفــــضــــيـــلـــــه
الشــــاعــــر / عثـــمــان محــمد البـــرغـــش ....

تسلم يامخاوي سدير..

صح لسان الشاعر/عثمان االبرغش..

دمت بخيــــــــر..

و

يـــا مـخـــــــــاوي ســـــــديـر

ووفقك الله لما يحب ويرضى ولما فيه الخير والصلاح على هذه المشاركة واسأل الله أن يجعلها في ميزان أعمالك

صح لسانك يابو محمد

ويشرفنا أن تكون قصائدك موجوده بيننا ...

وأبو هادي يستاهل كل خير ...


واشكر مخاوي سدير على نقلها لنا ,, كما نطلب المزيد ...

اشكر جميع الاخوان على المرور الغالي ..

ولكم جزيل الشكر والعرفان .. مـــخـــاوي ســدير ...

تسلمممممممممممممممم على القصيده الحلووه وشكرررررررررررر

وللحق بذكر كلمة دون نسيـــــان

راعي الإبل طيبه ترى من كفــــيـــلـــه


انشهد ان البيت هذا جاي على الوتر



صح لسان الشاعر وسلمت ايادي الكاتب

صح لسانك يا بو محمد
وسلمت ايدينك يامخاوي سدير

مشكور مخاوى سدير على مشاركتك بالقصيدة الجميلة

وصـــح لســان شاعـــرهــا ابو محمــد

وابــــو زايــــــد يستــاهـــــل

اشكر الجميع على المرور الغالي ..

الله لايحرمنا منكم يا احلى اعضاء ..

مخـــــــاوي سدير ..