في المنتدى كثرت علينا البلاوي!!

[align=center]هذه أبيات بسيطة كتبتها وأنا أتصفح جنبات هذا المنتدى فأردت أن أضعها بين أيديكم واقبلوها بصدر رحب ...
والمقصود في الأبيات هو من أراد زعزعة هذا المنتدى وليس لشخص بعينه.
[poem=font="Times New Roman,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
في المنتدى كثرت علينا البلاوي= تكفون يا الأجواد شوفوا لها حل
أشوف ناس(ن) همها للشكاوي= كل (ن) يبي درب السنع بس ما دل
بالله يا ابن الناس ويش أنت ناوي= اللي يزور المنتدى دوج ومل
ان كان ودك بالهدم ما أنت قاوي= وان قال نقدر... قلهم يا حمد طل
يا حيف كان أخلفت فيك الهقاوي= ويا حيف كان قلوبكم جا بها غل
أنا أشهد انك ضايع الفكر غاوي= (من دور الزلة على صاحبه زل)
لكن نصيحة لا تضيع الدعاوي= ولا خير في عز(ن) يجي فـ آخره ذل
تكفون لا يشمت بنا كل واوي=راعي هروج(ن) كل ابوها خذ وخل
هذا الكلام ولاتفيد المناوي= ولا تحسبون ان كلمة الحق تزعل[/poem]
عزام الخريف[/align]

كفوووووووووووووووو



وصح لسانك ياشاعرنا


يلموني فيك ...
ان كـان ودك بالهـدم مـا أنـت قــاوي
وان قـال نقـدر... قلهـم يـا حمـد طـل

صح لسانك ابو عبدالله ولاعدمناك والله يطول بعمرك ون شاء الله بينعدل الحال ومتاكد انا لان المنتدى به ناس تحب الخير وتحب تمير وتغار على منتدى ديرتها وقد يكون كل هذا حرص منهم
فجزاهم الله كل خير ومره ثانيه صح لسانك
تحياتي لك
النادر

كبير يالسنافي كبير
أبيات جميلة من شاعر جميل
صح لسانك والمنتدى إن شاء الله بخير مادام فيه شرواك

ان كـان ودك بالهـدم مـا أنـت قــاوي
وان قـال نقـدر... قلهـم يـا حمـد طـل

تسلم والله يا ابو عبدالله قصيده رائعة وياليت بعض الناس يستفيد

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ليتك تعّلم واحدٍ لك مخاوي =وتقرص على اذنه قرصة الخل للخل
ويبعد عن اعلوم الرد والحكاوي = ويستغفر الله كل ماصام او صل
[/poem]

كلماتك يالسنافي في صميم الحدث الله يعطيك العافية وزادك من نعيمه
An effectve speech

السنافي والتميز وجهان لعمله واحده بالفعل قصيده من الوزن الثقيل وصح لسانك مليون
واسمح لي ببيتين لعلها ترتقي لمعانقة هذه الرائعه
وشلون ما تخلف جميع الهقاوي 000 دام الردي يا صاحبي مابعد مل
لكن تراه اليوم طاح متساوي 000 وابشرك هذي هي بداية الحل !

[poem= font="Simplified Arabic,5,black,normal,normal" bkcolor="transparent" bkimage="" border="none,4,black" type=0 line=0 align=center use=ex num="0,black"]

سلام من قلب من الحب راوي= لك ياالسنافي سيد الحرف مازل

هذي حروفي من رفيقك تواوي= هزه شجنك فاقبله ياسيد الكل

لا يارفيقي ما اكثرت فينا البلاوي=بس خانك التعبير والحرف مادل

أدري تريد الخيرهذي هقاوي= في قرمنا فارس(ن) في الشعرماضل

هم ربعنا يبغون خير(ن)علاوي=واظنهم للخير دايم مع الحل

يبغون رفع المنتدى لا للشكاوي=وقلوبهم طاهرات(ن) مابها غل

يمكن ترى فيهم رفيق يراوي=بس يالسنافي اعذره إن كان مادل

نخطي وطبع(ن) في البشرصار ثاوي= والله رحيم(ن)يغفرالذنب مامل[/poem]

أخي العزيز( السنافي) هذه أبيات متواضعة رغبت فيها مجاراة قامةً شعرية متميزة
حرَك مشاعري بقصيدته فأردت التعبيرعن رأي بهافيما ذهبت إليه من كثرة البلاوي هنا
راجياً أن ألا تكون ثقيلة عليك وتتقبلها برحابة صدر كماتقبلنا رائعتك الحسناء
كماأرجو أن تعرضها على سكين النقد الهادف وتبدي فيها وجهة نظرك تقويماً وتوجيهاً
فهي أولى محاولاتي في الشعركما ان الدعوة موصولة للأخ الشاعر(الضامي)
وللجميع تقديري

اخي السنافي ... شاكرا لك هذه القصيده الجميله ...
وانا اتفق مع أخي الغالي (( المرهف )) فيما قاله ...
فليس من المعقول ان نضخم الامور ...
ونجعل مايحدث من حوارات ساخنه على انها حوارات هدم ...
لتعلم ان كل حوار لابد ان يصحبه اختلاف في الرأي والاطروحات
وهذه بحد ذاته ظاهره صحيه ...
والجميع يسعى لما فيه خير وصلاح للمنتدى ...
فعلينا ان نحسن الظن بالاخرين فنحن ابناء بلد واحد واخوان قبل كل شئ..
ويهمنا ان نرا منتدى تمير في القمه ...
اخي السنافي ...
لانريد ان نجعل من الحورات الساخنه ... عقبة في طريقنا لتكملة المشوار ...
ولا نجعلها شماعة لنا لكي نختفي ولانظهر الا نادرا في المنتدى ... دمت بخير !!!

الله الله عليك يا لسنافي

ان كـان ودك بالهـدم مـا أنـت قــاوي
وان قـال نقـدر... قلهـم يـا حمـد طـل

عيني عليك بارده

ويكفينا العنوان

وشو اجمل من كونها في حالنا الان

ربي يهنيك " ويحقق لك لي في بالك"

تسلم ياشاعرنا

وبارك الله فيك