قصيدة يابوي

[قصيدة يابوي]

. ماللزمن ياصاحبي عهد وايمان
ومالليالي لوبتجرحك ميثاق .
. شفني اعيش بدنيتي كني انسان
استلهم ايامي واسولف بالاشواق .
. والاالصحيح اني تلحفت الاكفان
وشمس الغياب استربعت بين الاحداق .
. تعبت ادور للحكي وجه ولسان
وازريت اداوي جرحي اللي بالاعماق .
. هذي ثلاث سنين مرت ولا زان
جرح(ن) يبعثرني على كل الاوراق .
. يابوي جريتك على كل الاوزان
ماوحيت صوتي يوم اناديك مشتاق؟ .
. ياوجد حالي من صواديف الازمان
وياحر قلبي كان فكري معك باق .
. عقبك تلقاني الزمن والزمن فان
وصرنا انا والهم رفقه وعشاق .
. شفني تقهويت الصبر وسط فنجان
وشفني تلطمت العنا كنه شماغ .
. ماقول كنت بدنيتي عز انسان
ولاقول قلبي من مفارقك ماطاق .
. لكن تعال وشوف وش بين الاركان
وجهك..ومسباحك..وترنيمة فراق .



لكم مني زهور الكون هدية

آبيآت روعه
سلمتِ يآقلبي وسلم لنآ آختيآركْ
تقدييري

يعطيك العافيه يالغلا ابياات راائعه
تحيااتي لك

. شفني تقهويت الصبر وسط فنجان
وشفني تلطمت العنا كنه شماغ .

رائعة للغاية
دمتي

قصيده رائعه
سلمتي