ثرثره .. وكوب قهوه ( مقهى الملتقى العام )

::
ياورد أبسـألگ .!
شـان الزمن ولا البشـر طبعهم شـان .؟
ولا الـ [ نوايا الصافيهـ] ضيعتنــا

نحاول نرتفع أكثر
نلاقي ناس تكسرنا
نلملم كل حزن ٍ فات
نلاقي من يبعثرنا
ونضحك من حزن وارف
( يظللنا )
تعبنا نكبر ونكبر ..
وننظر من يدللنا !
نشوف الغيم
نحس الغيم
نلمس غيم
ولكن ما يبللنا !!

آستمتعتَ بَ ثرثرة آخي النآدر
تسلمين يالغلآ ومتآبعه لكِ

اقتباس: المشاركة الأصلية كتبت بواسطة قصائد    حياك الله وبياك اخي النادر في مقهى الملتقى العام الله يحيك ويبقيك بشرنا عنك عساك بخير بخير علك بخير امر وش تشرب قهوه مره .نسكافيه . كابتشينو .موكا .قهوه ايطاليه او اسكتلنديه اذا ماعليك كلافه عصير تانج ابشر ما طلبت شي ماهو الدعاء الذي تردده دائما ؟ اللهم يامقلب القلوب ثبت قلبي على طاعتك اخبار هالوقت تضيق الصدر صح . وش الخبر الا تتمنى سماعه ؟ والله كلها تضيق الصدر واي خبر فيه حالة وفاه تروع هل الرجل الذي يبكي ضعيف الشخصيه ؟ ومن هو الشخص الذي لاتريد ان ترى دموعه ؟ الدموع تعبير عن المشاعر ومن تدمع عينه فله قلب . امي وابوي هل هناك اصدقاء لم ترهم من ايام الدراسه ؟ نعم ومن هو المعلم او المعلمه الذي تتذكره الى الان ؟ وماهو السبب ؟ الاستاذ الشلبي مصري الجنسية ما انساه ابد لانه كان يجلدني جلد لدرجه اني كرهت الدراسه وماخلى احد والكل يعرفه . والله يحلله ويبيحه . يوم كنت ادرس حصل لي موقف محرج كنت طالعه من المدرسه انا وزميله لي ضربتني زميلتي على يدي وقالت لي مع السلامه حاولت ارد لها الضربه لكني تسرعت وما شفت الدرج وتكرفست مع الدرج وطحت على الارض طيحه قشرا وطمرت من مكاني كاني سوبر مان وركضت لما الباص وركبت كان ماصار شي جاتني صديقتي وجلست جنبي وقالت لي شفتي يقولون البنات فيه بنت طاحت مع الدرج طيحه قشرا مسكينه رحمتها .قلت لها اششش اسكتي هذي انا وقامت تضحك صديقتي علي لين وصلت بيتنا وللحين تذكرني بها . قد حصل لك موقف لاتنسها ايام الدراسه ؟ كثير بس فيه موقف عمري ما راح انساه مع ولد عمي ابو العنود كان فيه يوم بالمدرسه وفي فصل خامس كان المدرس يشرح وحلقه منبح مره ومضحك المهم ابو العنود التفت علي وهو يتبسم على طول انا ضحكت من صوت المدرس التفت المدرس وعلى طول اشر علي وقال برا وابو العنود يضحك وصارت الطقه براسي وطلع منها ابو العنود كالعاده وكلتها انا اختر احد الصور وضع تعليقك عليها ؟ اولاً الحمدلله على النعمه الي حنافيها شوفوا كيف دراستهم بس هالفصل وش يذكركم مهوب كنه مقبره . صدقت اول ما شفتها حسبتها مقبره ماهي المواضيع التي تجذبك في المنتدى ؟ الي تخص تمير خاصه وبعض مشاكل الاعضاء والمتابعات الجويه ايام الامطار . هل تتابع الرياضه . واي فريق تشجع ؟ نعم . الهلال زعيم اسيا ونادي القرن وماذا تقول لفريقك نصيحه او بيت شعر او حكمه ؟ من سار على الدرب وصل ولا تلتفت للخلف لانك دائما فالمقدمه انت شاطر في الطبخ ؟ لا من جنبها . اذا عزمتنا في يوم ما وش تطبخ لنا ؟ الله يخلي ام عثمان اذا طلع لك مارد من الابريق السحري وقال لك : شبيك لبيك ان بين يديك ماهي الامنيات الثلاته التي سوف تتمنها ؟ رضى الله . العافيه . رضى الوالدين علي . حجر وقع من فوق عماره ولوح الزجاج الي تحت ما انكسر ليه؟؟ لانه ما طاح عليها طيب دجاجه بتمشي في الشارع ماتت فجأة ليه؟ لانه طاح على دجاجتكم ههههههه ذكي يالنادر على مين طالع عساك ان شاء استمتعتا معنا في مقهى الملتقى العام ؟ والله سعة صدر تامر على شي قبل ما نقفل مقهنا ؟ سلامتك ومشكوره على الاستضافه

استمتعت بهذي الاستضاافه مع ابو عثمان
والله يطول بعمر والديك

وشكرا لك قصااائد..

كل الاماكن " وطن " وعيونك " المنفى
" وأنا غريب لقى في عيونك ديـاره
يا ساكن القلب خذني للوجـع تكفـى
مادام ذنبي كبير اكبر مـن اعـذاره
البرد موحش دخيلك بس كيف ادفـى
واعصاب جرحي من التأنيب منهـاره
ادري مقصـر لأنـك دايـم الاوفـى
لأنك إنسان فعلاً " صعـب تكـراره "

يا قرب صوتك ومبعد ديرتك مني
يا جعل من ورد الجوال فالجنه

محتاجه كوب من القهوة الساخنة

وساحة هدوء سواء خارجي ام بداخلي

لـ أبداء صباح جميل

"صباحك غير"

ملاه الورد..
كساه السعد ..

و لفته الآماني طير ..
و "صباحكم غير"

صورة الصباح ...




اكثر الأماكنِ دفئاً أح ـيَاناً هيَ ” وج ـُوه المُسنّينْ “
تُخ ـبرنا الكثير عن خ ـبَآيآ الح ـياة وَتترك لنَا بع ـضُ الع ـِبر !

رحمك الله يا جدي افتقدك كثيرا ..

سؤال مقهنا لهذ اليوم :

من قال هذا البيت :

ان حظى كدقيق فوق شوك نثروه
ثم قالوا لحفاة يوم ريح اجمعوه

صعب الأمر عليهم ثم قالوا اتركوه
ان من أشقاه ربى كيف أنتم تسعدوه

والي يجاوب ينزل سؤال ثاني ..

حياك الله وبياك ابوحمد في مقهى الملتقى العام

الله يحييك اكثر اختي قصائد ويا هلا فيك..

بشرني عنك عساك بخير

الحمد على كل حااال

امر وش تشرب قهوه مره .نسكافيه . كابتشينو .موكا .قهوه ايطاليه او اسكتلنديه

ان حصل قهوه ايطاليه ما نقول لا..

ابشر يالطيب ما طلبت شي

ماهو الدعاء الذي تردده دائما ؟

اللهم اغفر لي وارحمني .. وارضى عني وراضني ..

واغفر لي وللمؤمنين والمؤمنات والمسلمين والمسلمات الأحيآء منهم والأموآت .

اخبار هالوقت تضيق الصدر صح . وش الخبر الذي تتمنى سماعه ؟

مااودي اسسسسسمع اي خبر حالياَ ..

هل الرجل الذي يبكي ضعيف الشخصيه ؟ ومن هو الشخص الذي لاتريد ان ترى دموعه ؟

لااااا ليس ضعيف الشخصيه هناك دموع فرح وهناك دموع حزن
ومع ذالك لا احب ان اشااهد احد يبكي مهما كاان...

هل هناك اصدقاء لم ترهم من ايام الدراسه ؟

هنااك الكثير اسأل الله لهم التوفيق..

ومن هو المعلم او المعلمه الذي تتذكره الى الان ؟ وماهو السبب ؟

اتذكر معلمين كثيرون ولازالوا بذاركتي حتى هذا الوقت
الله يطول بعمرهم ويخليهم لعيالهم..

يوم كنت ادرس حصل لي موقف محرج كنت طالعه من المدرسه انا وزميله لي ضربتني زميلتي على يدي وقالت لي مع السلامه

حاولت ارد لها الضربه لكني تسرعت وما شفت الدرج وتكرفست مع الدرج وطحت على الارض طيحه قشراوطمرت من مكاني كاني سوبر مان

وركضت لما الباص وركبت كان ماصار شي جاتني صديقتي وجلست جنبي وقالت لي شفتي يقولون البنات فيه بنت طاحت مع الدرج

طيحه قشرا مسكينه قلت لها اششش اسكتي هذي انا وقامت تضحك صديقتي علي لين وصلت بيتنا وللحين تذكرني بها .

قد حصل لك موقف لاتنسها ايام الدراسه ؟

هههه الصدق ما شاء الله عليك يا قصائد هذا يدل على حركته السريعه وزين ما انتبه لك احد..
رااسي الحين مشوش مدري ليش توقف والا هناك عده مواقف حصل لي بالمدرسه
بسسس لقيت موقف حلوو
مره من المرات كنت ناوي اطب من فوق السووور ووين ما ادري بس مابي مدرسه
المهم قلت بطلع معي وااحد وزين هالواحد وااافق ويالله طاااع
واول مره ينحااش فيها من المدرسه الي هي الآن المكتبه العامه بالقرب من الثانويه
انا طمرت ونحشت
ورفيقي نشب وطاحت الله يكرمكم نعلته ويمسكه المدير متلبس
وقال الي مطلعني فووق ابو حمد << ويوم جيت من بكره والا هم يتحرولن لي ..


ههههه أتاريك شيطان يا بوحمد وراعي نحشات من المدارس ما بان عليك

اختر احد الصور وضع تعليقك عليها ؟



منظر جميل يدخل على القلب البهجة والسرور في زمن قست فيه القلوب وكثر العقوق والعياذ بالله
كما تريد أبنائك يعاملوك في المستقبل فعامل والديك به الان ....
لأنه كما تدين تدان...


ماهي المواضيع التي تجذبك في المنتدى ؟

مواضيع الرحلات البريه واي ي موضوع من جهد العضو يعجبني ..

هل تتابع الرياضه . واي فريق تشجع ؟

مااااتابعها ومافيها الا وجع راااس ومع ذالك اشجع فريق النصر..

وماذا تقول لفريقك نصيحه او بيت شعر او حكمه ؟

يكفي ان اسمك نصر حتى لو ما تنتصر ...

اعجبتني هذه المقوله نعم يكفي ان اسمه النصر

انت شاطر في الطبخ ؟

يعني اشياء بسسسيطه وعلى قد حالي

اذا عزمتنا في يوم ما وش تطبخ لنا ؟

بطبخ لكم ذبيحه واحطها مندي ومع بعض المقبلات

ترى بكره احنا معزومين عندك كل اعضاء المنتدى ههههههه

اذا طلع لك مارد من الابريق السحري وقال لك : شبيك لبيك ان بين يديك

ماهي الامنيات الثلاته التي سوف تتمنها ؟

اذا جاء الماارد ذيك الساعه اخترت هع

وش هالعجز فيك يا بوحمد

حجر وقع من فوق عماره ولوح الزجاج الي تحت ما انكسر ليه؟؟

لان الحجر ما طاح عليه !

طيب دجاجه بتمشي في الشارع ماتت فجأة ليه؟

طاح عليها الحجر هههههههه

عساك ان شاء الله استمتعتا معنا في مقهى الملتقى العام ؟

الحمد لله والشكر له مقهى جميل والي يدخله ما يمله..

تامر على شي قبل ما نقفل مقهنا ؟

سلااامك ويجزاك خير يا قصائد على الاستضافه ..

منور يالطيب