محاورة بين الشاص وراعيه

هذه مشاركة بسيطة عبارة عن محاوره بيني وبين الجيب الشاص (تويوتا) اقول فيها :

*راعي الشاص :


ياســــــلام الله على اللي مشتري شاصٍ(ن) جديدي **** هـــو سَنَدْه بشيِّة الله لا مشـــى بـأرض(ن) خليِّه

ماخـــسر في مشتراه ولـو دفع كـل الرصـــــــيدي **** مـــن ملك شـــاصٍ(ن) جـديدٍ(ن) واهنيِّه واهنيِّه


*الشاص :


مــرحباً بــاللي يســلم وانت ســــــواقي وســـيدي **** الله الله بـــالصـــــيانه والـــهدو وارفـــق علــيِّه

غــير زيــوتي ومسِّــح بــالفوط صــافي حـــديدي **** خلني بين المـــواتر وردةٍ(ن) دايـــــم طـــــريِّه


* راعي الشاص :


مــاطـلبت الا عمــارك فـــوق مطلــوبك نزيـــدي **** واردٍ(ن) حـــــقك عـــــلينا فــالصباح وفـالعشيِّه

الــمشي فــي الشاص الاول كــني مــوزع بـريدي **** وأنت مـــلزومٍ(ن) تريّح واقــفٍ(ن)في وسط فَيِّه


*الشاص :


لا تــحسب انــي ضعيفٍ(ن) ولا تحسب اني بليدي **** مــــنوتك لا مـــن ضــربت الخـط والا المهمهيِّه

وان ضــربت العــرق يــاعزيّز فهو ريفي وعيدي **** الـــــدّبل خـــله خفيـــف ولا عليـــك ولا عـــليِّه


* راعي الشاص :


والله انــي مــاحــقرتك خــابرٍ(ن) بــاسـك شديدي **** يشهد اللي له معك فــي البر روحـــاتٍ(ن) وجيَّه

مــار حــنا ذاخــرينك للــوعر واللــي بعيــــــدي **** يـــــالله التـــــوفيق يـــالمعبود يـــارب البـــريِّه


*الشاص :


صـــرت الاول واصـــبح النيسان ياعزيِّز طريدي **** فـــيه مـــــيزاتٍ(ن) ولكـــن مـــاقدر يعلى عليِّه

مـــن شــراني اشـــهد انه فـــاهم ورايه ســـديدي **** وان شـــرى غـيري يحصل فيه شاراتٍ(ن) رِدِيِّه


* راعي الشاص :


أنــت مـــا تحتــاج مدحٍ(ن) والحكي بك ما يفيدي **** مـــادحتك فـــعولك اللــي بيِّنه مـــاهـــي خـــفيِّه

مـــن يسبك فـاعرف انه جاهلٍ(ن) فيك او عنيدي **** يحكـم بغير الصـحيح ويــدري ان حكمــــه خطيَّه


*الشاص :


انشـــد الــرملة وهـــي اللـي تخْبر العلم الوكيدي **** يوم ان كلٍ(ن) راكبٍ(ن) شاصه وفي ساقة خويِّه

طـــرقةٍ(ن) فيهـــا يتبيَّن الجنيه مــن المجـــيدي **** خــــذت انـــا منه الشـــهاده نســـــــبتي ميه بميِّه




أبوعبدالله (شقراء)

منقول

الله الخيره ... حتى الشآآص يحآور ..
آبيات َ جداً رائعة .. آصبت َ أخي بنقلهآ
كنُ بخير

لا تــحسب انــي ضعيفٍ(ن) ولا تحسب اني بليدي **** مــــنوتك لا مـــن ضــربت الخـط والا المهمهيِّه

وان ضــربت العــرق يــاعزيّز فهو ريفي وعيدي **** الـــــدّبل خـــله خفيـــف ولا عليـــك ولا عـــليِّه

قصيده رائعه والشاص ما تكلم من فراغ..
يعطيك العافيه يالمتحد على النقل..

عاشت يديك ع روعة القصيدة

ودي واحترامي لكـ

محاوره رااائعه
يعطيك العافيه يالمتحد
احترااااامي

محاورة جميلة بين الشاص وراعيه
شكرا يالمتحد

اشكرك على ذائقتك الشعريه