يايمّه...منتهي جيتك..

لكل متذوقي القصيدة العذبه لكل متذوقي القصيدة لكل متذوقي القصيدة الروحية أضيف اليوم قصيدة لشاعر لم أستطيع أن أعرف أسمه كتبها عن الأم والكتابة عن الأم أمر صعب والتعبير عنه أكثر صعوبه ولكن هذا الشاعر يختصر الكلام.. والزمان.. والشعر.. ويكتب عن أجمل علاقه بقصيده تلامسنا..تعايشنا..تقرأ ملامح قلوبنا...قصيدة أم..وندم..وحنينن.. أتمنى أن تنال أعجابكم..

يا يمّه... منتهي جيتك وطالب منك الغفران=أقبل قاعة أقدامك...وأغسلها بدمعاتي
يا يمّه...كل ما فيني ينادي لك أنا ندمان=طلبتك قولي سامتحك وردي لوجهي بسماتي
أنا أدري قلبك الطيب كسرته بصدمة النكران=غلطت وغلطتي هذي تميز كل غلطاتي
تشوفي الشيب يا يمّه.. ترى ماجا وأنا فرحان=وربي اللي رفع ذاتك ونزل للردى ذاتي
فقدت الراحة من بعدك.. فقدت الطيبة والتحنان=بدونك راحتي غاية.. بيدينك هذي راحاتي
أنا بعدك ولا حاجه أنا بعدك ترى عميان=أشوف.. ولا أشوف اللي يوريني مساراتي
أنا وسيد الشقا والهم من بعدك غدينا أخوان=يجيب هموم هالعالم.. ويرميها بمتاهاتي
صدقتي يوم قلتي لي..تدين اليوم بس تندان=رميتك في بداياتي..ورموني في نهاياتي
أنا من شالك بيّده.. ورماكِ بأسفل البركان=نخيتيني.. وطلبتيني.. ولا حصلتي نخواتي
مثل ماهنتي بعيوني.. عليهم قلبي يمّه هان=رموني وضعفهم فزعه وأنا الدمعات فزعاتي
يا يمّه لا تظنيني أنا من فعلهم زعلان=سواتٍ فيك سويته وسوو فيني سواتي
يا يمّه.. يا لله ضميني ودفيني بهالأحضان=أنا أدري فيك مشتاقة وهمك بس ملاقاتي
يايمّه...حييييييييل ضميني أبي أرتاح أنا تعبان=تعبت أهرب من ذنوبي.. أبيك آخر مسافاتي
أبسمع منك أي كلمة.. لصوتك مسمعي ولهان=أبسمع يمّه بصوتك أبذكر فيها نشواتي
أشوفك ساكتة يمّه.. غفيتي وألا أنا غلطان=غفيتي يا بعد عمري.. تعبتي من مواساتي
يايمّه.. طالبك قومي إذا لي في عيونك شان=أشوف الموت بعيونك.. عساها تخيب هقواتي
تعالوا يا بشر شوفوا.. أنا محتار أنا تلفان=أنا أمي مدري وش فيها؟؟؟ أنا مدري أنا أحاتي
أمي أنا ماتت!!! لا لا لا ترى غلطان=أنا أمي ما تخليني على حزني ووناتي
أنا أمي قلبها طيب.. ولا يمكن تبكي إنسان=أنا أمي ما تبكيني ولا تتمنى آهاتي
يا يمّه صح مامتّي؟؟؟ وصح الموت توّ ماحان=إذا متّي أنا بعدك أبقضي ويييييييين ساعاتي
يايمّه قومي يايمّه... وقولي الموت لا ماكان=أنا جيتك وأنا ناوي أبدى فيكِ جناتي
تركتيني ومتّي ليه!!! تركتيني وأنا غرقان=ولا مسموووووح يا وليدي.. ولا تلعنك لعناتي
أنا الجاني.. وأنا المجني..وأنا المخطي وأنا الندمان=وأنا بيدي رميتك إييييييه... وبعثرتي ملفاتي
وجيت من الهنا مفلس.. وقلبي من الضنى خسران=وتركتيني على ناري.. أعدد معكِ زلاتي
ولاني مرضيٍ ربي.. ولاني تابع الشيطان=أنا بعدك ترى مابين نهاياتي وبداياتي
يايمّه منتهي جيتك.. وكلي مرتجي غفران=وشفت الناس تلعني.. وتحذرني من الآتي

رووووووووعه

تهبل وفيها معاني جميله جدا

اظن انا للشاعر خالد المريخي اذا ما خانتني الذاكره

تسلموووو على النقل

ام توتو

تسلم ياغالي

صدق من سماك ملك الحروووف

شكرا لك على نقل هذه القصيده الملئية بالكلمات والمعاني


سلام

أختي أم توتو شكرا لمرورك وتعقيبك لكن أنا متأكد شخصياً أنها ليست لخالد المريخي لأني سمعتها بصوت الشاعر نفسه بشريط كاسيت وللأسف أنه لم يذكر أسمه حاولت كثيرا أن أعرفه قبل طرحي لها ولكن لم أستطيع وأتمنى لكل من يعرف أسم صاحبها أن يضيف تعقيب بأسمه ليس لشيء وأنما لحفظ حقوقه الأدبية وشكراً أم توتو مره ثانيه....


أخي الهادي وش أقول.............................................. ...... كلك ذوووووووووق ياغالي ألف شكر.

السلام عليكم

رائع وجميل ما نقلتة يداك أخي حفظك الله ورعاك

القصيدة للشاعرنصار الظفيري

انا اعرف صاحب القصيده

وهو الشاعر: نصّار الظفيري

ومشكورين على تجاوبكم

ولمن ارد سمعها بصوت الشاعر



سلام

اشكر الجميع على المشاركة


والشكر الخاص لك أمير الحروف


والقصيدة فعلا


للشاعر الكبير


نصار الظفيري

الرائعين
غلا
هادي
المدرس
شكراً لتجاوبكم السريع والجميل وهذا العشم بالرائعين أمثالكم