قالت علامك تلبس شماغ وعقال؟؟؟

تلبس , شماغ , علامك , وعقال؟؟؟ , قالت

قالت علامك تلبس شماغ وعقال؟؟؟

قالت علامك تلبس شماغ وعقال؟؟




قالت ترى منت بحلو قلت رجال
والزين ماهو من شروط الرجولـه
***
الزين يلقى عنـد لباسـة الشـال
والرجل زين ان كان زانت فعوله
***
قالت علامك تلبس شماغ وعقـاال
انت بدوي؟ قلت بدوي ومن حموله
***
ما ألبس بناطيل لها الوان واشكال
وامتر الشارع بعرضـه وطولـه
***
قالت اجل راعي معاميـل ودلال
شرب القهاوي تحسبونـه بطولـه
***
قلت اسمعيني وافهمي كل الاقوال،،
تمعني في كل حرف أقوله ...
***
كيفي يابنت الحضر دله وفنجـال
وحليب خلفـه بالمـراح معقولـه
***
وحب الكرم والجود وعلوم الابطال
مغروس فينا من زمـان الطفولـه
***
قالت ترى بنت البدو حظها مـال
قلت احذري حذرا تكوني جهولـه
***
بنت البدو يابنت مضرب للامثـال
فوق الجمال وطاعة الله خجولـه
***
زينه على كل المزايين تختال
مثل القمر ينشاف محد يطوله
***
ما حطت اصباغ ولا حطت ظـلال
ولا سيرة بالسوق سيـر مهبولـه
***
ماتنخدع بكل ماكر ومحتال،،
الي لهم في السوق صوله وجوله
***
تحمى شرفها خوفت القيل والقال،،
درب الدنس والشين ماهي بحوله..
***
هي مهرة تصعب على كل خيـال
وانتي ومثلك عسفهـن بالسهولـه
***
قالت تغزل بي وشف حبة الخـال
ناظر عيوني والرموش الكسولـه
***
قلت العفو مايجتمع حـب وهبـال
ولكـل ذوق فالمـــزاييـن جـولـه
***
قلتي وقلت وكلمة الصدق تنقـال
الزين ماهو من شروط الرجولـه



رـآآآقت لي وبـ الحييل
صح لسان شـاـآعرها ~

آنتقآء رآئع
صح لسآن شآعرهآ وتسلمين على الآنتقآء

يسسسسسسلمك ربي
ويسسسسسعدني مروووووووووووووووووورك....