|
|
|
|
|
|
 |
 |
|
||||||||||
 |
 |
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
|
|
أدوات الموضوع |
26 / 12 / 2003, 03 : 02 PM
|
#1 | |
|
الرجم وبرج الجوال
هذه قصيده جميله للشاعر /فهد ابراهيم المفرج ويحكي حال برج الجوال مع الرجم (مرقب تمير) بعد تركيب البرج الجديد
البرج: يارجم ياللي غزاك الكبر والشيبي انا اشهد انك كبرت وحالتك غبرا عزي لحالك غريب وبين اجانيبي واهلك تحت الثرى يامخاوي القمرا الرجم: يكفي تراني تعبت وزاد تعذيبي انشد نخيل الجماعه واسأل المجرا ياما وياما تحضنت أشهب الذيبي يرتاح عقب التعب ومواصل المسرا البرج: انا حضاري ومشروط بتركيبي والا انت خلك على مر الزمن ذكرا انا بناني خبير له تجاريبي والا انت بانيك لايكتب ولايقرا الرجم: انا بنوني عطيبين المضاريبي مير اقصر الهرج يابو لمبة حمرا بنوني ربع توفوا وافري جيبي الله يجبر عزا يمنا بلا يسرا البرج: من اولك لاخرك كلك عذاريبي يخاف من طالعك بالليله الغدرا ان خبت من خيبتي وان طبت من طيبي وجروحك اللي مضت ما ظنتي تبرا الرجم : رجم التماري وكل الناس تدريبي لاشاب راس الرضيع وصاحت العذرا والانت مشخول من بد المراقيبي لامنك فيّه ولا في جانبك مذرا البرج: اخطيت ماابطيت في حق المعازيبي اغواني ابليس راعي النية القشرا انا اعتذر منك وارسل لك مناديبي ياجعل بانيك قبره روضة خضرا اتمنى تحوز على رضاكم hamad |
|
|
|
26 / 12 / 2003, 28 : 02 PM
|
#2 | |
|
VIP
|
والله انك قلت يا فهد واوفيت
والشكر لـ hamad على كتابته القصيده ووضعها في المنتدى فالف شكر لكم على ما تبذلونه سلام |
|
|
|
|
26 / 12 / 2003, 32 : 07 PM
|
#3 | |
|
تميراوي سوبر
|
مشكور اخوي على
نقل لنا هذه القصيده الرائعة التي تتكلم عن معلم من معالم مدينة تمير |
|
|
|
|
27 / 12 / 2003, 00 : 09 PM
|
#4 | |
|
تميراوي فعال
|
يعطيك العافيه اخوي HAMAD
اختيار ممتاز وصح لسان الشاعر بن مفرج |
|
|
|
28 / 12 / 2003, 25 : 11 AM
|
#5 | |
|
تميراوي فعال
|
hamad
شكرا على هذه الردية الزينة وصح السان قايلها عسى الشر بعيد عنه مع تحيات ابوعبدالعزيز والسلام ختام |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
 |
 |
 |
