قصيدة في وصف القهوة .

[الفتى الموهوب]

الشاعر في وصف القهوه العربيه


دنـيـت لي من غـالــي البن مـالاق
بالكـف ناقـيها عن العـذف منســوق
احـمـس ثـلاث يانديـمـي على ســاق
ريحه على جـمر الغضا يفضح السـوق
وايـاك والنـيه وبالـك والاحــراق
واصـحـى تصير بحمسة البن مطـفـوق
الى اصفرّ لونها ثم بشّـت بالاعــراق
صفراً كما الياقوت يطرب لها الموق
وعـطـت بريـحٍ فاخـر فاضـح فــاق
ريحه كما العنبر بالانفاس منشــوق
دقـه بنجـرٍ يسـمعـه كل مشـــتـاق
راعـي الهوى يطرب الى دق بخـفــوق
لقّـم بدلـةٍ مولّــع كـنها ســــاق
مصـبوبةٍ مربـوبـةٍ تـقـل غـرنــوق
خـله تفوح وراعي الكـيف يشـــتاق
هـيلٍ ومـسـمارٍ بالاسـباب مسـحــوق
مع زعـفرانٍ والشـمطـري الا انسـاق
والعنبر العالي على الطاق مطـبوق
فيلا اجـتمـع هـذا وهـذا بتيفــاق
صـبه كـفيت العـوق عن كل مخـلوق
بفنجـال صـينٍ زاهـيٍ عـند الارمـاق [/align][/align][/grade]

[ولدعنبر]

دقـه بنجـرٍ يسـمعـه كل مشـــتـاق
راعـي الهوى يطرب الى دق بخـفــوق
لقّـم بدلـةٍ مولّــع كـنها ســــاق
مصـبوبةٍ مربـوبـةٍ تـقـل غـرنــوق
خـله تفوح وراعي الكـيف يشـــتاق
هـيلٍ ومـسـمارٍ بالاسـباب مسـحــوق

اخوي الغالي

ابيات رائعه

ومعاني متميزة

اتمنى لك التوفيق

[أمير الحروف]

أخوي الفتى الموهوب
الله يسلمك على هالقصيدة الجميلة لما فيها من دقة الوصف وكرم الضيافة واللي هو عادة العرب الجميلة
ماقصرت أخوي على نقلها وليتك ذكرت أسم الشاعر وأضفتها للقصايد الخالدة لأنها فعلاً تستاهل وأنت تستاهل أيضاً كل الشكر...

[المدرس]

مرة اخرى


يازين القهوه وطاريها

وهذه القصيدة

من أفضل قصائد القهوة


وعقبال المزيد

[الفتى الموهوب]

ـ اولاَ اشكركم على ردودكم الجميلة وانا هنا لخدمة هذا المنتدى الكبير
اشكر اخواني امير الحروف المدرس ولدعنبر على حماسهم وتشجعيهم لي.
ونتواصل على المحبة دوماَ.
اخوكم : الفتى الموهوب